ქალაქ ზუგდიდის მუნიციპალიტეტის 2015 წლის ბიუჯეტი 2 მილიონ 217 ათასი ლარით გაიზარდა. ამის შესახებ საკრებულოს დღევანდელ სხდომაზე გახდა ცნობილი. საკრებულოს საფინანსო-საბიუჯეტო სარევიზიო კომისიის თავმჯდომარე კახაბერ ფარცვანიას განმარტებით,  აღნიშნული თანხა  ინფრასტრუქტურულ სამუშაოებს მოხმარდება: ქალაქ ზუგდიდის მე-10  საბავშვო ბაღის რეაბილიტაცია - 146, 7 ათასი ლარი. გარეგანათების მოწყობა - 237, 3 ათასი ლარი. ყინულის სასახლის მშენებლობის დასრულება - 914, 4 ათასი ლარი. რუსთაველის ქუჩაზე მდებარე მიწისქვეშა გადასასვლელის მოწყობა - 129, 7 ათასი ლარი. სანიაღვრე და წყალსაწრეტი მოწყობილობის მოწესრიგება. ამასთან, ბიუჯეტში შევიდა შიდა ცვლილება. კერძოდ, შემცირდა მერიისა და საკრებულოს ადმინისტრაციული და ასევე აიპიების  ხარჯები. მათ შორის საკრებულოს ხარჯები 24, 1 ათასი ლარით შემცირდა, ხოლო მერიის 228, 8 ათასი ლარით. ადმინისტრაციული ხარჯების შემცირების ხარჯზე გაიზარდა შემდეგი პროგრამების დაფინანსება: გზების რეაბილიტაცია - შეკეთება - 100 ათასი ლარი. სპორტული მოედნის მშენებლობა - 85 ათასი ლარი. უმწეო ოჯახების საცხოვრებელი სახლების რეაბილიტაცია - 100 ათასი ლარი. ზემოაღნიშნული ცვლილებებიდან გამომდინარე ქალაქ ზუგდიდის ბიუჯეტი 19 მილიონ 859, 8 ათასი ლარით განისაზღვრა.