სამეგრელოში "ქართული ოცნება" ლიდერობს
სამეგრელოს რეგიონის სამ საარჩევნო ოლქში ჩატარებულ შუალედურ არჩევნებზე, ცენტრალური საარჩევნო კომისიის წინასწარი მონაცემების მიხედვით, ზუგდიდის მუნიციპალიტეტის სოფელ ერგეტაში ხმების უმრავლესობა "ქართული ოცნების" მაჟორიტარი დეპუტატობის კანდიდატმა ვასილ გაბისონიამ მიიღო. მას 410 ხმა აქვს, რაც 57,02%-ს შეადგენს, "ერთიანი ნაციონალური მოძრაობის" კანდიდატმა 305 ხმა მიიღო, რაც 42,42%-ია. "თავისუფალი საქართველოს" კანდიდატს ბაჩუკი ნაროუშვილს არც ერთი ხმა არ მიუღია.
სენაკის მაჟორიტარულ ოლქში 470 ხმით კოალიციის მიერ წარდგენილი კანდიდატი ლიდერობს . დამოუკიდებელმა კანდიდატმა კაპიტონ ტორჩინავამ 225 ხმა მიიღო, რაც 23,54%-ია. "თავისუფალი საქართველოს" კანდიდატს ემალ ყურაშვილს 170 ხმა აქვს, რაც 17, 78%-ია. "ნაციონალური მოძრაობის" კანდიდატ ხვიჩა სანაიას 91 ხმა მიიღო, რაც ხმების საერთო რაოდენობის 9, 52% -ია.
მასალის გამოყენების პირობები