ანაკლიის ღრმაწყლოვანი ნავსადგურის მშენებლობისა და ოპერირების შესახებ საბოლოო წინადადებებს ორი კომპანია წარადგენს.სამთავრობო კომისიამ კვალიფიციურად ცნო "ანაკლიის განვითარების კონსორციუმის" და "ანაკლიის ინდუსტრიული ეკოპარკის და პორტის და Power China კონსორციუმის" განაცხადები. "სხდომაზე, რომელიც პრემიერ-მინისტრ ირაკლი ღარიბაშვილის ხელმძღვანელობით, დღეს მთავრობის ადმინისტრაციაში გაიმართა, ორივე კანდიდატს უპირატესი განმცხადებლის სტატუსი მიენიჭა. მომდევნო ეტაპზე უპირატეს განმცხადებლებთან მოლაპარაკებები წარიმართება. საბოლოო წინადადებების წარდგენის შემდეგ კი, გამოვლინდება გამარჯვებული, რომელთანაც გაფორმდება ხელშეკრულება, ანაკლიის ღრმაწყლოვანი ნავსადგურის მშენებლობისა და ოპერირების შესახებ", - აცხადებენ საქართველოს მთავრობის ადმინისტრაციაში. მათივე ინფორმაციით, პორტის მშენებლობა 2016 წლის ზაფხულში უნდა დაიწყოს.   პორტის მშენებლობით დაინტერესებული უცხოელი ინვესტორები ანაკლიას სტუმრობდნენ პორტის მშენებლობით დაინტერესებული კომპანიები ანაკლიაში იმყოფებოდნენ