ფანტასტიკური ფილმის „მომავლის დედამიწის“ კრახი სტუდია „უოლტ დისნეის“, შესაძლოა, 120-140 მილიონი დოლარი დაუჯდეს. როგორც გამოცემა „The Hollywood Reporter“-ი წერს, კომპანიას, რომელმაც ფილმის გადაღებაზე 180 მილიონი დოლარი დახარჯა, ზუსტად მსგავსი დანაკარგი ემუქრება. „მარტოხელა რეინჯერის“ გამოსვლის შემდეგ ეს სტუდიისთვის ყველაზე დიდი დანაკარგია. ცნობისთვის, „მარტოხელა რეინჯერის“ დანაკარგმა 190 მილიონ დოლარამდე შეადგინა. „მომავლის დედამიწა“ 2015 წლის მაღალბიუჯეტიან პროექტებს შორის მესამეა, რომელმაც მოლოდინი ვერ გაამართლა. შეგახსენებთ, რომ ფილმის დამდგმელი ბრედ პიტი იყო, რომელსაც „უოლტ დისნეისთან“ მუშაობის დიდი გამოცდილება დაუგროვდა. ფილმში მონაწილეობა ბრიტანი რობერტსონმა, კეტრინ ჰანმა, ჯორჯ ქლუნინ, ჯუდი გრირმა, ჰიუ ლორიმ, ტიმ მაკგროუმ, კიგენ-მაიკლ ლიმ, ლოკლინ მანრომ, პირს გენონმა, ალია ო’ბრაიენმა და სხვა მსახიობებმა მიიღეს. “დისნეი” მალე ახალ პერსონაჟს წარმოგვიდგენს