ზუგდიდის რაიონულმა სასამართლომ სასჯელაღსრულების დეპარტამენტის ზუგდიდის ნომერ მეოთხე ყოფილი სასჯელაღსრულების უფროსს ამირან ჯანაშიასა და მის თანამშრომელს რომეო როგავას პატიმრობა შეუფარდა. ორივე პირი სასამართლო დარბაზში დააპატიმრეს. ზუგდიდის ციხის ყოფილ ჩინოვნიკებს ბრალი ედებოდათ ადამიანების წამებასა და არაადამიანურ მოპყრობაში. ამირან ჯანაშია 2013 წლის 17 იანვარს დააკავეს. იგი 30 000-ლარიანი გირაოს გადახდის შემდეგ გაათავისუფლეს. ამირან ჯანაშიას და რომეო როგავას ადვოკატები აცხადებენ,რომ მოწმეთა ჩვენებები სასამართლოზე ზედმეტად ემოციურადაა წარმოდგენილი. მათივე მტკიცებით, ციხის დირექტორის და ადმინისტრაციის მხრიდან პატიმრების მიმართ მკაცრი მოპყრობა მიზნად ისახავდა ციხეში ე.წ. მაყურებლის ინსტიტუტის დამარცხებას. თავად ამირან ჯანაშია თავს დამნაშავედ არ ცნობს. სასამართლოს დარბაზშივე დაკავებულ, ზუგდიდის ყოფილი სასჯელაღსრულების, ასევე ყოფილ უფროსს ამირან ჯანაშიას სასამართლომ 3 წელი და 9 თვე შეუფარდა.ჯანაშიას ადვოკატმა იოსებ ჯანაშიამ განაცხადა, რომ ერთ თვეში ზუგდიდის რაიონული სასამართლოს მიერ გამოტანილ განაჩენს სააპელაციო სასამართლოში გაასაჩივრებენ.