ჩინურმა კომპანია Zhuoda Group-მა, 3D-პრინტერზე დაბეჭდილი მოდულებისგან 2-სართულიანი სახლი-კონსტრუქტორი ააშენა. სახლის მშენებლები ამბობენ, რომ ნაგებობა იმდენად მყარია, რომ 9 ბალის მაგნიტუდის მიწისძვარას გაუძლებს. სახლის 90% სამგანზომილებიან პრინტერზე დაბეჭდილი მოდულებისგან შედგება. ამწეს საშუალებით ეს მოდულები ერთმანეთს დააკავშირეს და შექმნეს მისაღები ოთახი, საძინებელი, სამზარეულო, სააბაზანო ოთახი და რამდენიმე დამხმარე სათავსო. მთელ ამ პროცესს 3 საათი დასჭირდა, რის შემდეგაც სახლი-კონსტრუქტორი მედიას და სხვა დაინტერესებულ პირებს დაათვალიერებინეს. Zhuoda Group-ის წარმომადგენლებმა განაცხადეს, რომ 500 კვადრატული მეტრი ფართობის სახლისთვის საჭირო მოდულების დაბეჭდვას და შემდეგ მათ აწყობას სულ 15 დღე სჭირდება. წინასწარი გაანგარიშებებით კი ასეთ შენობას 150-წლიანი ექსპლუატაციის ვადა აქვს, ნებისმიერ კლიმატურ პირობებში. მასალები, რომლის საფუძველზეც ეს მოდულები დაბეჭდეს, Zhuoda Group-ს არ დაუკონტრეტებია, თუმცა განაცხადეს, რომ 22-ზე მეტი პატენტი აიღეს და სხვა ამგვარად „დაბეჭდილი“ სახლებისგან განსხვავებით, ისინი ცემენტს არ იყენებენ. სახლის სახურავი კი ცეცხლგამძლე და წყალმდეგი მასალისგან არის დამზადებული და თითქმის შეუძლებელია მისი კოროზიით დაზიანება. უფრო ადრე კი, მეორე ჩინურმა კომპანიამ, WinSun-მა ააშენა 3D-პრინტერზე დაბეჭდილი მასალებისგან 2-სართულიანი სახლი და 6-სართულიანი ტიპიური კორპუსი.