სენაკში, ნოქალაქევი-ლეძაძამე-დიდიჭყონის გზის მიკოტახილის მონაკვეთში სარეაბილიტაციო სამუშაოები აქტიურ ფაზაში მიმდინარეობს. პროექტის მიმდინარეობას ადგილზე სენაკის გამგებელი გოჩა დგებუაძე გაეცნო. ამ ეტაპზე გზის აღნიშნულ მონაკვეთზე განხორციელდა სავალი ნაწილის 4-დან 6 მეტრამდე გაფართოვების, მთის ქანების ჩამოჭრის, ხიდბოგირებისა და გაბიონების მოწყობის სამუშაოები. დაიგო ასფალტობეტონის საფარის მეორე ფენა. ამჟამად მიმდინარეობს ახალი ხიდის მოწყობის სამუშაოები, მონტაჟდება საგზაო ნიშნები. გზის ამ მონაკვეთზე მსგავსი მასშტაბის რეაბილიტაცია არ განხორციელებულა. სამუშაოებზე, რომელიც მიმდინარე წლის ოქტომბერში დასრულდება, 4,2 მილიონი ლარი იხარჯება, დასაქმებულია 230 მოქალაქე, რომელთაგან 90% ადგილობრივია.