აღმოჩნდა, რომ სუპერპოპულარული სერიალის, „სექსი დიდ ქალაქში“-ს მთავარი პერსონაჟის როლის შემსრულებელი, სარა ჯესიკა პარკერი, სერიალში თამაშზე, თავიდან კატეგორიულ უარს აცხადებდა და რომ არა ტელეკომანია HBO-ს ხელმძღვანელების სიჯიუტე, მის როლს სხვა შეასრულებდა. ამის შესახებ მასმედიის წარმომადგენლებს პარკერის კოლეგამ, რომელთან ერთადაც ბროდვეიზე თამაშობს, მოუთხრო. სეტ რადეტსკიმ ჟურნალისტებს უამბო:“სარა ჯესიკას ამ პროექტში ეჭვი ეპარებოდა, ძალიან ბევრი იფიქრა, სანამ საპილოტე ვერსიის გადაღებებში მონაწილეოებას დათანხმდებოდა, სერიალებში თამაშის პერპექტივა არასოდეს ხიბლავდა, მაგრამ შემდეგ, სცენარი მოეწონა, საცდელ გადაღებებზე მივიდა და ყველაფერი მალევე გადაავიწყდა. რამდენიმე თვის შემდეგ შეიტყო, რომ „სექსი დიდ ქალაქში“-ს გადაღება გადაწყდა, მაგრამ მას ფილმში მონაწილეობის სურვილი საერთოდ აღარ ჰქონდა, პროექტის ხანგრძლივობა აშინებდა, სარა მრავალფეროვნების მოყვარულია“. სეტის თქმით, ვარსკვლავი საპირისპიროში ძლივს დაარწმუნეს: „უარის თქმას ცდილობდა, HBO-ს ისიც კი განუცხადა, რომ მათ 3 პროექტში ჰონორარის გარეშე მიიღებდა მონაწილეობას, ოღონდ, კონტრაქტის დარღვევს უფლება მიეცათ, ბოლოს და ბოლოს, ბევრი ხვეწნის შემდეგ შეთავაზებაზე დაითანხმეს, რაც შემდგომ, რა თქმა უნდა, არასოდეს უნანია“, - ყვება სეტი. წყარო:OK! Magazine Georgia