ზუგდიდის მუნიციპალიტეტ სოფელ ერგეტაში მივიწყებული ტრადიცია ბრუნდება. მარიამობის დღესასწაულზე სოფელში გრანდიოზული მარულა ჩატარდება. ღონისძიება სამეგრელო-ზემო სვანეთის სახელმწიფო რწმუნებულის- გუბერნატორის ადმინისტრაციის პატრონაჟით, ზუგდიდის მუნიციპალიტეტის გამგეობისა და ზუგდიდის მერიის მხარდაჭერით იმართება. პროექტი ტრადიციების აღდგენა-პოპულარიზაციას ისახავს მიზნად. სოფელ ერგეტასა და ორულუში მარიამობის  დღესასწაულთან დაკავშირებით , ტრადიციულად მარულაში ერთმანეთს მიმდებარე სოფლებიდან გამორჩეული ცხენოსნები ეჯიბრებოდნენ. მარულა ცხენოსნური სპორტის უძველესი ქართული სახეობაა – დოღი გრძელ მანძილზე. წინათ დისტანცია იყო 25-30 კმ, დღეს – 8-10 კმ. ადრე მარულაში მოზრდილებთან ერთად ბავშვებიც მონაწილეობდნენ. განსაკუთრებით გავრცელებულია დასავლეთ საქართველოში.