გლობალური შვეიცარული საფინანსო მომსახურების კომპანია UBS-ს 2015 წლის მონაცემების მიხედვით, მსოფლიო მასშტაბით 71 გლობალურ ქალაქს შორის, სამუშაო საათების მიხედვით, ყველაზე ბევრს ჰონგ-კონგში მუშაობენ. კომპანიის რეპორტ “ფასები და გამომუშავება 2015″-ის (“Prices and earnings 2015″) მიხედვით, ჰონგ-კონგელები ყოველ წელიწადში 2,606 საათს მუშაობენ, რაც საშუალოდ კვირაში 50 საათი გამოდის 17 დღიანი ანაზღაურებადი შებულების გათვალისწინებით. მეორე ადგილს მუმბაი იკავებს, წელიწადში 2,277 სამუშაო საათით. მესამე ადგილზე მეხიკოა წელიწადში 2,261 სამუშაო საათით, მას მოსდევს ნიუ-დელი წელიწადში 2,214 სამუშაო საათით. მეხუთე ადგილზე ტაილანდის დედაქალაქი ბანგკოკია წელიწადში 2,191 სამუშაო საათით და მხოლოდ 9 დღიანი ანაზღაურებადი შვებულებით. მეექვსე ადგილს იკავებს დუბაი 2,186 სამუშაო საათით წელიწადში და 30-დღიანი ანაზღაურებადი შვებულებით. მეშვიდე ადგილზეა კენიის დედაქალაქი ნაირობი, სადაც მოქალაქე საშუალოდ წელიწადში 2,184 საათს მუშაობს 22-დღიანი ანაზღაურებადი შვებულებით. მერვე ადგილს ტაიპეი წელიწადში 2,141 სამუშაო საათით, მეცხრე ადგილს ჯაკარტა წელიწადში 2,102 სამუშაო საათით, ხოლო მეათე ადგილს კოლუმბიის დედაქალაქი ბოგოტა წელიწადში 2,096 სამუშაო საათით იკავებს.