მიუსაფარ ძაღლთა დაცვის  საერთაშორისო დღესთან დაკავშირებით, ზუგდიდში იუსტიციის სახლის მიმდებარე ტერიტორიაზე „სამოქალაქო მონიტორინგის და კვლევების ცენტრი“-ს  ორგანიზებით, აქცია-კონცერტი სახელწოდებით  „მიუსაფარი ძაღლიც ჩემი მეგობარია“ გაიმართა.ღონისძიების ფარგლებში, მოქალაქეებმა ადგილობრივი ბენდის „Under-7“-ის  მიერ შემოთავაზებული მუსიკალური პროგრამა მოისმინეს. კონცერტის მიმდინარეობის პარალელურად, თავშესაფრის აშენების მხარდამჭერი პეტიციისთვის ხელმოწერები შეგროვდა.არასამთავრობო ორგანიზაციას უკვე მზად აქვს თავშესაფრის შენობის პროექტიც.თავშესაფრის მშენებლობისთვის ზუგდიდის მუნიციპალიტეტის გამგეობამ სოფელ ჭითაწყარში უკვე გამოყო მიწის ნაკვეთი.ადგილობრივი ხელისუფლება მზად არის არასამთავრობოებთან ითანამშრომლოს, რათა დროულად მოხდეს მოსახლეობის უსაფრთხოებაზე ზრუნვა და ცხოველების დაცვა.