"ბონდიანას" ახალი ფილმის გადაღების დროს, ჯეიმს ბონდმა 36 მილიონი აშშ დოლარის ღირებულების ავტომობილები დაამტვრია. „ჩვენ რეკორდი მოვხსენით. რომში მილიონობით ფუნტის ღირებულების მანქანები დავამტვრიეთ. ისინი საათში 180 კილომეტრის სიჩქარით გადაადგილდებოდნენ. 4-წამიან სცენას მთელი ღამის განმავლობაში ვიღებდით“,- ყვება ტრუკების მთავარი კოორდინატორი გერი პაუელი. ახალ კინოსურათ „სპექტრში“, ყველა დროის მთავარი საიდუმლო აგენტი ჯეიმს ბონდი, დენიელ კრეიგის შესრულებით, ამტვრევს სპეციალური შეკვეთით დამზადებულ ასტონ მარტინ DB-10-ებს, რომლებიც კატაპულტირებადი სავარძლით არიან აღჭურვილნი. რეჟისორ სემ მენდესის ახალი ნამუშევრის პრემიერა ლონდონში 26 ოქტომბერს შედგება.