“საერთაშორისო - გამჭვირვალობა საქართველო“ სამეგრელო-ზემო სვანეთის რეგიონში მდებარე კომპაქტური განსახლების ობიექტებში მცხოვრები დევნილების საცხოვრებელი პირობებით დაინტერესდა. არასამთავრობო ორგანიზაციის ინფორმაციით, იძულებით გადაადგილებულ პირებს დღემდე მძიმე პირობებში უწევთ ცხოვრება, ამასთან რთულად მიმდინარეობს ამ ადამიანების სოციალურ - ეკონომიკური ინტეგრაციის პროცესი. მათი დიდი ნაწილი  სოციალურად დაუცველია. ზუგდიდის ოფისის კოორდინატორის არჩილ თოდუას თქმით, მიუხედავად იმისა, რომ საქართველოს მთავრობამ წლების მანძილზე მნიშვნელოვანი სამუშაოები შეასრულა  კოლექტიური ცენტრების რეაბილიტაციისთვის, ამ სფეროში არსებული პრობლემები,მათი მასშტაბიდან გამომდინარე, ჯერ კიდევ გადაუწყვეტელი რჩება. მისივე თქმით, ხშირ შემთხვევაში,რეაბილიტირებული შენობების ნაწილი კვლავ განახლებას საჭიროებს. „გამჭვირვალობა - საქართველო“ ხელისუფლებას მოუწოდებს კომპაქტური დასახლების ყველა ობიექტში მცხოვრები დევნილები უზრუნველყოს აუცილებელი საარსებო წყაროებით და საჭირო სოციალური თუ სამედიცინო ინფრასტრუქტურით.