ქალაქ ზუგდიდის საკრებულოს ოპოზიციური ფრაქცია ,,ნაციონაური მოძრაობის“ წევრი ანი წითლიძე დადიანების მუზეუმის მიმდებარე ტერიტორიის გასხვისებას კიდევ ერთხელ გამოეხმაურა . მისი თქმით, საქართველოს ყოფილ პრემიერ-მინისტრს მიძინა ივანიშვილს, რეკრეაციულ ზონაში, ქალაქის ყველაზე ისტორიულ ადგილას - დადიანების მუზეუმის მიმდებარე ტერიტორიაზე, საკუთარი აგარაკის მშენებლობა აქვს დაგეგმილი. ამასთან, ის საზოგადოება „ზუგდიდელი“ წევრებს მიმართავს და მათ აღნიშნულ ტერიტორიასთან დაკავშირებით პოზიციის დაფიქსირებას სთხოვს. „ასევე, ვითხოვთ ზუგდიდის მერიამ გაასაჯაროოს წინა ხელისუფლების მიერ დამტკიცებული ზუგდიდის რეკონსტრუქციის გეგმა, რომელიც შეთანხმებული და განხილული იყო ზუგდიდელ საზოგადოებასთან“, - თქვა ანა წითლიძემ. საზოგადოება „ზუგდიდელი“ წევრების თქმით, დადიანების მუზეუმის მიმდებარედ სასტუმროს მშენებლობას მხარს უჭერენ, თუმცა საკუთარი მოთხოვნებიც აქვთ. „ჩვენ ამ პროექტის განხორციელებას მხოლოდ იმ შემთხვევაში დავუჭერთ მხარს თუ დადიანების მუზეუმი, ბოტანიკური ბაღი, ბულვარი და სასტუმრო ერთ არქიტექტურულ კომპლექსში იქნება განხილული. ქალაქ ზუგდიდის არქიტექტურის სამსახურის უფროსის ეკატერინე თოდუას განცხადებით, ზუგდიდის რეკონსტრუქციის გეგმა საჯაროა და ის ნებისმიერი ადამიანისთვის ხელმისაწვდომია. „რაც შეეხება ამ ტერიტორიის განვითარებას, ამაზე აუცილებლად პროფესინალებმა უნდა იმსჯელონ. შესაბამისი განაშენიანების რეგულირების გეგმა უნდა შედგეს და ის საკრებულომ უნდა დაამტკიცოს“, - თქვა ეკატერინე თოდუამ. მიმდინარე წლის 7 ოქტომბერს ქალაქ ზუგდიდის საკრებულოს სხდომაზე დეპუტატებმა, აუქციონის წესით, დადიანების მიმდებარე ტერიტორიაზე 12 000 კვ/მ მიწის ნაკვეთის გასხვისებას ერთხმად დაუჭირეს მხარი. მათ შორის ფრაქცია „ნაციონალური მოძრაობის“ წევრებმა. მაშინ ოპოზიციური ფრაქციის წევრებმა საკითხისადმი მათი მხარდაჭერა ინვესტიციების მოზიდვის ხელშეწყობით ახსნეს.