ვიქტორ იანუკოვიჩი ვადამდელ საპრეზიდენტო არჩევნების ჩატარებას დათანხმდა
უკრაინის პრეზიდენტმა ვიქტორ იანუკოვიჩმა ვადამდელი საპრეზიდენტო არჩევნების ჩატარების შესახებ განაცხადა. ინფორმაციას ამის შესახებ პრეზიდენტის პრესსამსახური აცხადებს.
ამასთან, გავრცელებული ინფორმაციით, ვიქტორ იანუკოვიჩი მზად არის დაუბრუნდეს 2004 წლის კონსტიტუციას და ნაციონალური ნდობის მთავრობის ფორმირების მოწოდებით გამოდის.
"ვაცხადებ იმ ნაბიჯების გადადგმას, რომელიც საჭიროა, რათა ქვეყანაში აღდგეს სიმშვიდე და მომავალში თავიდან ავიცილოთ დაპირისპირების მსხვერპლი. ვადამდელი არჩევნების გამართვის ინიციატივით გამოვდივარ, ასევე თანახმა ვარ 2004 წლის კონსტიტუტუციას დავუბრუნდეთ", - ნათქვამია ვიქტორ იანუკოვიჩის მიერ გავრცელებულ განცხადებაში.
ამასთან, უკრაინის პრეზიდენტი ასევე გამოდის მოწოდებით, დაიწყოს პროცედურები ნაციონალური ნდობის მთავრობის ფორმირებისთვის.
პრეზიდენტის განცხადებაში დაკონკრეტებული არ არის თუ როდის გაიმართება უკრაინაში ვადამდელი არჩევნები
მასალის გამოყენების პირობები