ყირიმის სიტუაცია უკიდურესად დაიძაბა. გახშირდა უკრაინულ სამხედრო ობიექტებზე თავდასხმის ფაქტები. სიმფეროპოლში, სამშაბათს უკვე დაფიქსირდა მსხვერპლიც ორივე მხრიდან. სროლისას დაიღუპა ორი ადამიანი: უკრაინელი სამხედრო მოსამსახურე და ყირიმის თვდაცვის ძალების წარმომადგენელი. დაიჭრილია – ორი . სამხედრო ობიექტის შტურმამდე მიმდინარეობდა მოლაპარაკებები უკრაინელ პოლკოვნ ანდრიუშინსა და უცნობ პირებს შორის, რომელთაც სამხედრო ობიექტზე შესვლა სურდათ.უკრაინელებს ესროლეს სამხედრო ფორმიანმა ადამიანებმა, რომლებსაც ნიღბებიც ეკეთათ.უკრაინელებს იარაღი არ ჰქონდათ. რამდენიმე უკრაინელი სამხედრო შემდეგ დააპატიმრეს. მათ ჩამოართვეს ფული და დოკუმენტები. ყირიმის, პოლიციის ცნობით მოკლულია ერთი და დაჭრილია ასევე ერთი ადამიანი „ყირიმის თავდაცვის ძალებიდან“. შემდეგ გავრცელდა ყირიმის შინაგან საქმეთა სამინისტროს ვერსია, რომლის თანახმადაც უკრაინული სამხედრო ნაწილის მახლობლად ატეხილი სროლის შედეგად ორი ადამიანი დაიღუპა და ორიც დაიჭრა. მათი ვერსიით ორივე მიმართულებით, როგორც უკრაინული სამხედრო ობიექტის, ასევე თავდაცვის ძალებისკენ ისროდნენ ერთი ადგილიდან. სავარაუდოდ დაუმთავრებელი შენობის ფანჯრიდან უკრაინული სამხედრო ობიექტის გვერდზე. „ყირიმის თავდაცვის ძალები ამ დაუმთავრებელ შენობას მიუახლოვდნენ შესამოწმებლად. მათ მიიღეს ინფორმაცია, რომ იქ შეიარაღებული ადამიანები იმყოფებოდნენ და სროლაც ამ დროს ატყდა. უკრაინის თავდაცვის სამინისტრომ ამ ინციდენტის შემდეგ საკუთარ სამხედროებს მისცა იარაღის გამოყენების უფლება თავდაცვისათვის.