აშშ - ის პრეზიდენტი ბარაქ ობამა , უკრაინის საპრეზიდენტო არჩევნებში გამარჯვებულ პეტრე პოროშენკოსთან, 3 ივნისს ვარშავაში შეხვედრას გეგმავს. სამშაბათს, ობამამ პოროშენკოს საპრეზიდენტო არჩევნებში გამარჯვება მიულოცა და უკრაინელ ხალხს მხარდაჭერა აღუთქვა. პოროშენკოს პრესამსახურში დაადასტურეს, რომ მხარეები შეხვედრაზე შეთანხმდენენ. მანამდე, პოროშენკომ მადლობა გადაუხადა აშშ-ის ხელისუფლებას მხარდაჭერისათვის. ამასთან, მან სურვილი გამოთქვა შეხვდეს რუსეთის პრეზიდენტს, ვლადიმირ პუტინს, რადგან მისი თქმით, მოსკოვთან დიალოგი უკიდურესად მნიშვნელოვანია უკრაინაში სიტუაციის დასარეგულირებლად. მედიაში ვრცელდება ვარაუდები იმის შესახებ, რომ შესაძლოა პუტინი და პოროშენკო ერთმანეთს 6 ივნისს, საფრანგეთში შეხვდნენ, სადაც ორივე ნორმანდიის მოკავშირეთა ჯარების გადასხმის 70 წლის თავის აღსანიშნავად მიიწვიეს. ეს ინფორმაცია ოფიციალურად ჯერ არ დადასტურებულა.