აშშ-ში, ოსვენციმის საკონცენტრაციო ბანაკში ნაცისტების მიერ ათასობით ადამიანის მკვლელობაში ხელშეწყობის ბრალდებით, 89 წლის მამაკაცი დააკავეს. იოჰან ბრაიერი ამჟამად პენსილვანიის შტატის ციხეში იმყოფება. ის მას შემდეგ დააპატიმრეს, რაც გერმანიამ მისი დანაშაულებების დამადასტურებელი ახალი მტკიცებულებები წარმოადგინა. ბრაიერი არ უარყოფს, რომ ოსვენციმში ზედამხედველად მუშაობდა, თუმცა, მისი თქმით, ის ბანაკის პერიმეტრს გარეთ მსახურობდა და მასობრივ მკვლელობებში არ მონაწილეობდა. მისმა ადვოკატმა ფილადელფიის სასამართლოს განუცხადა, რომ ბრაიერი საკმაოდ დაძაბუნებულია იმისათვის, რომ გერმანიაში მისი ექსტრადირების საკითხის განხილვამდე, პატიმრობაში დარჩეს. თუმცა გირაოს სანაცვლოდ გათავისუფელბაზე მას უარი ეთქვა. ბრაერი აშშ-ში 1952 წელს ჩავიდა, 1990-იან წლებში ამერიკის ხელისუფლება მისთვის მოქალაქეობის ჩამორთმევას და ქვეყნიდან დეპორტირებას შეეცადა. თუმცა, ვინაიდან, მისი დედა ამერიკელი იყო და ბრაიერს აშშ-ის მოქალაქეობის უფლება დაბადების ადგილით ჰქონდა მინიჭებული, ხოლო ნაცისტური არმიის რიგებში, ის იძულებით, ჯერ კიდევ არასრულწლოვანი ჩარიცხეს, აშშ-მა ვერ მოახდინა მისი ქვეყნიდან დეპორტირება. http://www.bbc.co.uk