უკრაინის რადაში შესაძლოა დღეს საპარლამენტო უმრავლესობის ფრაქცია დაიშალოს
უკრაინის უმაღლეს რადაში დღეს დახურული სხდომა გაიმართება, რომელსაც ქვეყნის პრეზიდენტი პეტრო პოროშენკო დაესწრება. როგორც უკრაინული მედია წერს, სხდომას ძალოვანი სტრუქტურების წარმომადგენლებიც დაესწრებიან, რომლებიც ანტიტერორისტული ოპერაციის მიმდინარეობას შეაფასებენ.
დღესვე სავარაუდოდ მოხდება პარლამენტში უმრავლესობის კოალიციის დაშლა.
იმ შემთხვევაში, თუ დეპუტატები აგვისტოს ბოლომდე არ მოახდენენ ახალი უმრავლესობის ფრაქციის ფორმირებას, უკრაინის კონსტიტუციის მიხედვით, ყველა საფუძველი იქნება პარლამენტის დათხოვნის და ახალი ვადამდელი საპარლამენტო არჩევნების 26 ოქტომბერს დანიშვნის.
როგორც უკრაინული მედია წერს, სწორედ ამას გეგმავდა პეტრო პოროშენკო და ფრაქციები, რომლებიც უმრავლესობის კოალიციაში შედიან, პრეზიდენტის ამ გეგმას უჭერენ მხარს.
მასალის გამოყენების პირობები