საქართველოს პირველი პირები პარიზში მომხდარი ტერაქტის გამო საფრანგეთის ხელისუფლებასა და მოსახლეობას სამძიმარს უცხადებენ. საქართველოს პრეზიდენტის თქმით, საქართველო გმობს ტერორიზმის ნებისმიერ გამოვლინებას და აგრძელებს ბრძოლას თანამედროვეობის ამ ერთ-ერთი უდიდესი საფრთხის წინააღმდეგ : ”ამ განსაცდელის ჟამს ჩვენ მტკიცე თანადგომას ვუცხადებთ საფრანგეთის რესპუბლიკის ხელისუფლებასა და ფრანგ ხალხს. ჩვენ ვართ თქვენს გვერდით, რათა დავიცვათ ჩვენი საერთო კეთილდღეობა. ქართველი და ფრანგი სამხედროები გვერდიგვერდ დგანან მსოფლიოს ცხელ წერტილებში, რათა უზრუნველვყოთ საერთო მშვიდობა და უსაფრთხო მომავალი,”- ნათქვამია გიორგი მარგველაშვილის მიერ გავრცელებულ განცხადებაში. საქართველოს პრემიერ-მინისტრი კი მიიჩნევს, რომ ”საზარელი ტერაქტი არა მხოლოდ ფრანგი ხალხის, არამედ თითოეული ჩვენგანის წინააღმდეგ იყო მიმართული” : ”ტერორიზმს გამართლება არ შეიძლება მოეძებნოს. სიტყვისა და პრესის თავისუფლება ის უზენაესი უფლებაა, რომელიც ყველგან და ყოველთვის სათანადოდ უნდა იყოს დაცული. ქართველი ხალხის სახელით, გულწრფელ თანაგრძნობას ვუცხადებ ტერაქტის მსხვერპლთა ოჯახებს. ამ მძიმე წუთებში ფრანგი ხალხის გვერდით ვდგავართ,” - აცხადებს ირაკლი ღარიბაშვილი. პარიზში, ჟურნალ "შარლი ებდოს" რედაქციაზე თავდასხმის შედეგად დაღუპულთა შორის გამოცემის მთავარი რედაქტორი და სამი ცნობილი კარიკატურისტი არიან. BBC-ს მიერ გავრცელებული ინფორმაციის თანახმად, ორი თავდამსხმელი "კალაშნიკოვებით" იყო შეიარაღებული და ჯიჰადისტებისთვის ჩვეული სამოსი ეცვათ, სახეზე კი ნიღბები ეკეთათ. ისინი ყვიროდნენ "დიდება ალაჰს" და "ჩვენ შური ვიძიეთ წინასწარმეტყველის გამო". თავდამსხმელებმა ტერიტორია შავი ფერის ავტომობილით დატოვეს, რომელიც მოგვიანებით პარიზის ერთ-ერთ გარეუბანში მიტოვებული ნახეს. საფრანგეთის დედაქალაქში გაძლიერებულია უსაფრთხოების ზომები, მათ შორის სადგურებზე, მასობრივი ინფორმაციის საშუალებების რედაქციებთან და რელიგიურ ობიექტებთან. სროლის შედეგად დაღუპულთა რიცხვი 12–ამდე გაიზარდა, 7 კი დაიჭრა. შემთხვევის ადგილი ქვეყნის პრეზიდენტმა მოინახულა და მომხდარს ტერაქტი უწოდა. ცოტა ხნის წინ ”ტვიტერში” ჟურნალის რედაქციამ ისლამური სახელმწიფოს მეთაურის ალ ბაღდადის კარიკატურები გაავრცელა, ტერაქტის სავარაუდო მიზეზად სწორედ ეს ფაქტი