საქართველოს მთავრობის ადმინისტრაციის პრესსამსახურიდან ინფორმაციით, ცენტრის ჩამოყალიბებისა და განვითარების პროცესში აქტიურად არის ჩართული საგარეო უსაფრთხოებისა და კრიზიების მართვის სფეროში ბრიტანეთის მთავრობის მრჩეველი, გენერალი სერ გარი ჯონსონი. ცენტრის შესახებ სასაუბროდ, რომლის  ამოქმედებაც ორ თვეშ იგეგმება, გენერალ ჯონსონს საქართველოს პრემიერ-მინისტრი ირაკლი ღარიბაშვილი მთავრობის ადმინისტრაციაში დღეს შეხვდა. მხარეებმა უსაფრთხოებისა და კრიზისების მართვის კუთხით თანამშრომლობის გაღრმავების პერსპექტივებსა და რეგიონული უსაფრთხოების საკითხებზე იმსჯელეს. ხაზი გაესვა ევროპული და ევროატლანტიკური ინტეგრაციის პროცესში საქართველოს მიერ მიღწეულ პროგრესს. ყურადღება გამახვილდა საერთაშორისო უსაფრთხოებაში საქართველოს მნიშვნელოვან წვლილზე. გენერალი სერ გარი ჯონსონი 1990-იან წლებში ევროპაში მოკავშირეთა ჯარებს ხელმძღვანელობდა. სხვადასხვა დროს იგი ბალტიის ქვეყნებსა და კავკასიის რეგიონში მოღვაწეობდა.