ჰააგის სისხლის სამართლის საერთაშორისო სასამართლოს პროკურორ ფატუ ბენსუდას განცხადებით, "არსებობს ინფორმაცია, რომ მშვიდობისმყოფელებზე შეტევა იყო როგორც რუსეთის, ისე საქართველოს მხრიდან".

ამის შესახებ ბენსუდამ "მოამბისთვის" მიცემულ ექსკლუზიურ ინტერვიუში განაცხადა.

"ჩვენ გვაქვს ინფორმაცია, რომ მშვიდობისმყოფელებზე შეტევა იყო ორივე - როგორც რუსეთის, ასევე საქართველოს მხრიდან. ამის შესახებ ვაპირებთ, რომ ინფორმაცია მოვიძიოთ", - აღნიშნა ბენსუდამ.

რაც შეეხება იმას, თუ რამდენ ხანს გაგრძელდება გამოძიება, პროკურორი აცხადებს, რომ ეს დამოკიდებულია იმაზე, რამდენად სწრაფად შეძლებს ფაქტების მოძიებას.

"ეს წაიღებს იმდენ დროს, რამდენიც გამოძიებას დასჭირდება", - დასძინა მან.