ხორვატიის მოსახლეობის უმრავლესობისთვის ერთსქესიანი ქორწინების დაკანონება მიუღებელი აღმოჩნდა. 1 დეკემბერს ქვეყანაში რეფერენდუმი გაიმართა, რომელზეც დასმული იყო შეკითხვა: "ეთანხმებით თუ არა, რომ ქორწინება, ეს არის კავშირი ქალსა და მამაკაცს შორის?". ამომრჩევლების 65-მა პროცენტმა კითხვას დადებითი პასუხი გასცა, ხოლო დანარჩენებმა - უარყოფითი. აღსანიშნავია, რომ მთავრობის წარმომადგენლები ამ რეფერენდუმის ჩატარებას არ ემხრობოდნენ, თუმცა რელიგიურმა ორგანიზაციამ "ოჯახისათვის" 750 ათასი ხელმოწერა შეაგროვა და რეფერენდუმი მოითხოვა. ეს კამპანია კი მას შემდეგ დაიწყო, რაც ადგილობრივ საკანონმდებლო ორგანოში შევიდა კანონპროექტი, რომლის თანახმადაც ერთსქესიანი ქორწინება დასაშვები ხდებოდა, არატრადიციული ორიენტაციის წყვილები "პარტნიორებად" დარეგისტრირდებოდნენ. bbc.co.uk