უკრაინული ოპოზიციის ერთ–ერთი ლიდერმა, ვიტალი კლიჩკომ ადგილობრივი ტელეარხისთვის მიცემულ ინტერვიუში განაცხადა, რომ უკრაინა თანდათან ემსგავსება პოლიციურ ქვეყანას და უკრაინელებმა უნდა იბრძოლონ ამის წინააღმდეგ. ამავე ინტერვიუში შესაბამის კითხვაზე მან უპასუხა, რომ სწორედ ახლა მიდის მოლაპარაკებებზე, რათა ღამით დაწყებული შტურმის მსგავსი ქმედებები აღარ განმეორდეს. კიევში, მაიდანზე, დაახლოებით ღამის პირველ საათზე, სპეცრაზმელებმა შტურმი დაიწყეს, რომელიც ამ დრომდე გრძელდება. მომიტინგეებსა და სამართალდამცავებს შორის ღამით მომხდარი შეტაკებებისას, 8 ადამიანი წვრლიმანი ხულიგნობისთვის დააკავეს, თუმცა, ოქმების შედგენის შემდეგ, ისინი გაათავისუფლეს. უკრაინის შსს – მ სამართალდამცავების ქმედებებს, კომუნლური სამსახურებისათვის ხელშემწყობი ღონისძიებები უწოდა. პეჩორის რაიონული სასამართლოს წარმომადგენელმა მანამდე სასამართლოს იმ დადგენილების შესახებ განაცხადა, რომელიც ტროტუარებისა და გზების ბლოკირებასთან დაკავშირებულ ღონისძიებებს ითვალისწინებს. ამავე დროს, ევრომაიდანის სცენიდან, წაიკითხეს კანონი, რომელიც სასამართლოს გადაწყვეტილების აღსრულებას 22.00 საათის შემდეგ კრძალავს. კერძოდ, კანონით, სასამართლო დადგენილების აღსრულება აკრძალულია ღამის საათებში, თუ ის 22.00 საათამდე არ დაწყებულა და სხვა ადამიანებისთვის სიცოცხლის საფრთხეს არ წარმოადგენს. ევროპული ქვეყნების ლიდერებმა და აშშ–მა სასტიკად დაგმეს უკრაინის ხელისუფლების მიერ ევრომაიდანის ძალის გამოყენებით დაშლა. მაიდანზე, რომელმაც ღამის შტურმს გაუძლო, უნიანის ინფორმაციით, ამ დროისათვი 10 ათასზე მეტი ადამიანია შეკრებილი. მიუხედავად იმისა, რომ მეტროსადგურები «კრეშჩატიკი“ და „მაიდან ნეზალეჟნოსტი» მგზავრებისათვის დაკეტილია, ხალხი მაინც ახერხებს მაიდანზე მისვლას და მომიტინგეებს უერთდება.