ინდოეთის ოკეანეში მალაიზიური ლაინერის ძებნა ცუდი ამინდის გამო შეწყდა: ძიების ზონაში 2,5 ავსტრალიის დასავლეთ სანაპიროსთან, ძლიერი შტორმი დაიწყო და ხილვადობა გაუარესდა. საერთაშორისო სამაშველო ოპერაციაში სხვადასხვა ქვეყნის 10 თვითმფრინავი ღებულობდა მონაწილეოაბას. მალაიზიის ავიახაზების თვითმფრინავმა, Boeing-777, რომელიც აქამდე დაკარგულად ითვლებოდა, კატასტროფა განიცადა და მის ბორტზე მყოფი ყველა მგზავრი დაიღუპა. ამის შესახებ მალაიზიის პრემიერ – მინისტრმა ნაჯიბ რაზაკმა გუშინ კუალა ლუმპურეში გამართულ კონფერენციაზე განაცხადა. დაღუპულთა და ეკიპაჟის ოჯახის წევრებმა ამ ტრაგიკული ამბის შესახებ მოკლე ტექსტური შეტყობინებებიდან გაიგეს. დაღუპლთა ჯახის წევრებს არ სჯერათ ოფიციალური ინფორმაციის: “ისინი ამბობენ, რომ თვითმფრინავი ინდოეთის ოკეანის სამხრეთ ნაწილში ჩაიძირა, თუმცა თვითმფრინავი არაა ნაპოვნი. რას ეფუძნება ეს ინფორმაცია? მალაიზიის ხელისუფლება უკვე ათ დღეზე მეტია ასე იქცევა. ჩვენ არ გვჯერა მათი სიტყვების”. თვითმფრინავის ბორტზე 239 ადამიანი იმყოფებოდა, რომელთა უმრავლესობაც ჩინეთის მოქალაქეა.