დეტექტივებმა და სასამართლოს სამედიცინო ექსპერტებმა რუსი ოლიგარქის, ბორის ბერეზოვსკის მკვლელობის დამადასტურებელი ვერანაირი მტკიცებულება ვერ აღმოაჩინეს, წერს The Guardian. ექსპერტიზამ თვითმკვლელობის ვერსია დაადასტურა. გამოძიებამ დაადგინა, რომ ბერეზოვსკი, მას შემდეგ, რაც რუს ოლიგარქ რომან აბრამოვიჩთან მრავალმილიარდიანი სასამართლო პროცესი წააგო, დეპრესიას უჩიოდა და ხშირად საუბრობდა თვითმკვლელობაზე. სიკვდილამდე რამდენიმე თვით ადრე, ის ხშირად ეკითხებოდა თავისი დაცვის წევრს: "უნდა გადავხტე თუ ვენები გადავიჭრა?" რუსი ოლიგარქი, ბორის ბერეზოვსკი 2013 წლის 23 მარტს, ლონდონში, საკუთარ სახლში გარდაცვლილი იპოვეს. news.liga.net