სოხუმი უარყოფს ოფიციალური თბილისის განცხადებას იმის შესახებ, რომ ჟენევის მოლაპარაკებებზე მიღწეულ იქნა შეთანხმება ერთობლივი კომისიის შექმნის შესახებ, რომლის შემადგენლობაში შევლენ ქართველი და საერთაშორისო ექსპერტები, რომლებიც კულტურული მემკვიდრეობის საკითხებს განიხილავენ. ამის შესახებ სახელმწიფო მინისტრის მოადგილემ ქეთევან ციხელაშვილმა განცახადა. დე–ფაქტო აფხაზეთის საგარეო უწყების ხელმძღვანელის მოადგილის ირაკლი ხინთბას განცხადებით, " სინამდვილეში ჟენევაში საუბარი შეეხო XX საუკუნის განმავლობაში საქართველოში გატანილი აფხაზური კულტურული ფასეულობების დაბრუნების მექანიზმის შექმნის საკითხს". მისი თქმით, როგორ ჩანს, აქ ადგილი აქვს გაუგებრობას, „იმის გათვალისწინებით, რომ აფხაზეთისა და საქართველოს წარმომადგენლები მეტწილად სხვადასხვა ენებზე საუბრობენ – პირდაპირი და გადატანითი მნიშვნელობით". abkhazeti.info