წყალდიდობისგან დაზარალებულ ბოსნიასა და სერბეთში საერთაშორისო სამაშველო ოპერაცია მიმდინარეობს, რომელშიც ევროკავშირის, ამერიკისა და რუსეთის მაშველები არიან ჩართული. ამ დროისათვის სტიქიას 40 ადამიანი ემსხვერპლა. თუმცა, ეს რიცხვი, სავარაუდოდ, გაიზრდება, რადგან მაშველები მიუდგომელ დასახლებულ პუნქტებში შეღწევას. თანდათანობით ახერხებენ. სერბეთის პრემიერ-მინისტრი ალექსანდრ ვუჩიჩი აცხადებს, რომ დაზარალებულებს დამატებითი დახმარება, განსაკუთრებით კი საკვები, ტანსაცმელი და სასმელი წყალი ესაჭიროებათ. სამაშველო სამსახურები მდინარე სავაში წყლის დონის მატებისთვის ემზადებიან, რაც სერბეთის უმსხვილეს ელექტროსადგურის – “ნიკოლა ტესლას” მუშაობას ემუქრება. ბოსნიის თითქმის მესამედი წყლის ქვეშაა მოქცეული. დატბორილია სახლები, საავტომობილო და სარკინიგზო გზები.