ჩეჩნეთის რესპუბლიკის მეთაურმა საკუთარი სანქციები დააწესა და შექმნა სია, რომელშიც აშშ-ის პრეზიდენტი ბარაკ ობამაც მოხვდა, ევროკავშირის ზოგიერთ ჩინოვნიკთან ერთად. ამის შესახებ კადიროვმა საკუთარ სოციალურ ქსელში დაწერა. "მთელი მსოფლიო მოწმეა ლიბიელი, ერაყელი, სირიელი ხალხის ტრაგედიის. ბოლო დროს კი უკრაინის. დემოკრატიის ექსპორტის საბაბით ამ ქვეყნებში ხოცავენ მშვიდობიან მოსახლეობას, ქალებს, ბავშვებს, მოხუცებსა და ბავშვებს. ანადგურებენ ქალაქებს, რელიგიურ წმინდანებს. ყველაფერზე რაც ხდება, პასუხისმგებელია აშშ და ევროკავშირი. მათი ხელმძღვანელების მოქმედებები ტერორიზმს წარმოადგენს, რომელიც მიმართულია ქვეყნებისა და ერების წინააღმდეგ", განაცხადა რამზან კადიროვმა. "დღეს, გადავწყვიტე დავაწესო სანქციები და შევქმნა სია, სადაც შევა აშშ-ს პრეზიდენტი ბარაკ ობამა, ევროკომისიის თავმჯდომარე ჟოზე მანუელ ბაროზო, ევროსაბჭოს თავმჯდომარე ჰერმან ვან რომპეი, ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კეტრინ ეშტონი და ევროპარლამენტის თავმჯდომარე მარტინ შულცი. დავავალე გაყინონ მათი საბანკო ანგარიშები და ნებისმიერი აქტივები. 27 ივლისიდან აღნიშნულ პოლიტიკოსებს ეკრძალებათ ჩეჩნთის რესპუბლიკაში შემოსვლა" განაცხადა კადიროვმა. შეგახსენებთ, რომ თავად რამზან კადიროვი არის  შავი სიის, რომელშიც შეყვანილია 15 ადამიანი და 18 კომპანია, ერთერთი ფიგურანტი.  სია გამოქვეყნებულია ევროკავშირის ოფიციალურ ჟურნალში. ყველა მათგანს ამა წლის ნოემბრამდე ეკრძალებათ ევროკავშირში შესვლა, ხოლო მათი აქტივები, აღმოჩენის შემთხვევაში, გაიყინება.