ბოლო 24 საათის განმავლობაში ქვეყნაში ჩატარდა 44 278 კვლევა ტესტით, მათ შორის 28 539 ანტიგენის, ხოლო 15 739 კი PCR ტესტით. სულ გამოვლინდა ინფიცირების 1 576 ახალი შემთხვევა, აქედან 130 სამეგრელო-ზემო სვანეთში. საქართველოში პანდემიის გავრცელებიდან დღემდე გამოვლენილი შემთხვევების საერთო რაოდენობა გაიზარდა 329 407-მდე.

ვირუსისგან განიკურნა კიდევ 584 პირი, მათგან 54 სამეგრელო-ზემო სვანეთში. ჯამში გამოჯანმრთელებულთა რაოდენობა 307 918-მდე გაიზარდა.

ამ ეტაპზე ინფიცირების მიმდინარე 17 037 აქტიური შემთხვევიდან 4 258 ადამიანი საავადმყოფოშია მოთავსებული. სამეგრელოს კოვიდცენტრებში 293 პაციენტი მკურნალობს.

კორონავირუსით ქვეყანაში კიდევ 29 ადამიანი გარდაიცვალა, მათ შორის 1 ფოთის, 1 კი ჩხოროწყუს მკვიდრია. პანდემიის გავრცელებიდან დღემდე ვირუსს ჯამში 4 426 პირი ემსხვერპლა.