Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 695 ახალი დადასტურებული შემთხვევა. აქედან, სამეგრელო - ზემო სვანეთი 46 დაფიქსირდა.

ქვეყნის მასშტაბით, ბოლო დღე-ღამეში ვირუსს 16 ადამიანი ემსხვერპლა.

ბოლო 24 საათში კოვიდ19-სგან 797 პირი გამოჯანმრთელდა, მათგან 61 სამეგრელოში. ჯამში გამოჯანმრთელებულთა რაოდენობა გაიზარდა 337 820-მდე.

დღეს ქვეყანაში გამოვლენილი ინფიცირების 695 ახალი შემთხვევიდან: თბილისში გამოვლენილია 389 შემთხვევა, აჭარა - 47, იმერეთი - 55, ქვემო ქართლი - 64, შიდა ქართლი - 26, გურია - 7, კახეთი - 32, მცხეთა-მთიანეთი - 9, სამცხე-ჯავახეთი - 18, რაჭა-ლეჩხუმი და ქვემო სვანეთი - 2.

ამ ეტაპზე ინფიცირების მიმდინარე აქტიური შემთხვევა არის 9 791, საიდანაც 3 175 ადამიანი საავადმყოფოში მკურნალობს, მათ შორის, სამეგრელოს კოვიდმიმღებ ცენტრებში 250-ზე მეტი პაციენტია მოთავსებული.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 352 649-ს.