გასული დღე-ღამის განმავლობაში აფხაზეთში კორონავირუსზე ტესტირება 602 ადამიანს ჩაუტარდა და გამოვლინდა ინფიცირების 196 ახალი შემთხვევა. ინფორმაციას ოპერატიული შტაბი ავრცელებს. ამავე ცნობით, გუდაუთის საავადმყოფოში კიდევ 4 პაციენტი გარდაიცვალა, ხოლო გაგრის ცენტრალურ კლინიკაში 1. გარდაცვლილთა შორის ყველაზე ახალგაზრდა 37 წლისაა. 

სულ დე ფაქტო რესპუბლიკის მასშტაბით არსებულ კოვიდმიმღებ დაწესებულებებში 325 ინფიცირებული მკურნალობის. მძიმეა 56 პაციენტის მდგომარეობა.

პანდემიის დაწყებიდან დღემდე დე ფაქტო რესპუბლიკის მასშტაბით Covid-19 სულ 20 159 ადამიანს დაუდასტურდა, გამოჯანმრთელდა 16 367, გარდაიცვალა 282 პირი.