“ოქროს გლობუსის” დაჯილდოება რამდენიმე საათის წინ დასრულდა. "ოქროს გლობუსის გამარჯვებულები" ცერემონიას საქართველოში წელს განსაკუთრებულად ბევრი ადამიანი უყურებდა. ამის მიზეზი ყველასათვის ცნობილია – საუკეთესო უცხოენოვანი ფილმის ნომინაციაზე ზაზა ურუშაძის “მანდარინები” იყო წარგდენილი.ნომინაციის გამარჯვებული კი,  რუსული “ლევიათანი” გახდა. ფილმს უკვე დიდი გამოხმაურება ხვდა წილად. თანაც, ორი დღის წინ სურათის პირატული ვერსია გახდა ხელმისაწვდომი, რამაც ბევრ მაყურებელს მისცა საშუალება, ფილმზე ნანახის შედეგად ემსჯელა. დღეს კი ცნობილი გახდა, რომ “ოქროს გლობუსის” მფლობელი უცხოენოვანი ნამუშევრის ავტორები არ მოსთხოვენ პასუხს მათ, ვინც ფილმს ინტერნეტსივრცეში განათავსებს ან არალეგალურად ჩამოწერს. პროდუსერ ალექსანდერ როდნიანსკის თქმით, ინტერნეტმომხმარებლების მხრიდან გამოჩენილი ინტერესი და მონდომება მათთვის მხოლოდ მისასალმებელია!