რიკოთის უღელტეხილზე საავტომობილო მოძრაობა შეფერხებულია. არის დიდთოვლობა და ძლიერი ქარი. ამის შესახებ რადიო "ათიონათს" თბილისი-ზუგდიდის მიმართულებით მოძრავი სამარშუტო ტაქსის მგაზავრებმა აცნობეს. "ოთხი საათია, რაც უღელტეხილზე ვართ გაჩერებულები. საშინელი ამინდია. ასევე ხილვადობა ძალიან დაბალია. არავინ არაფერს გვეუბნება, არც ის ვიცით რა დრომდე მოგვიწევს აქ ყოფნა", - ამბობს სამარშუტო ტაქსის მძღოლი ვეფხვია ფიფია. საავტომობილო გზების დეპარტამენტში აცხადებენ,რომ მოძრაობის შეზღუდვა დიდთოვლობამ და მისაბმელიანი ტრანზიტული ავტოსატრანსპორტო საშუალების მოცურებამ გამოიწვია. "ადგილზე მობილიზებულია საგზაო ტექნიკა, გზა იწმინდება და ყველაფერი კეთდება იმისთვის, რომ გზა მოკლე დროში გაიხსნას", - აცხადებენ გზების დეპარტამენტში. ცნობისთვის, დღეს მთელი ქვეყნის მაშტაბით ამინდი მკვეთრად გაუარესებულია. უნალექო ამინდები საქართველოში 8 დეკემბრამდე შენარჩუნდება, შემდეგ ამინდი ისევ შეიცვლება.