რესპუბლიკური პოლიტიკური პარტიის „სახალხო ერთიანობის ფორუმმა“ აფხაზეთში 26 იანვარს განცხადება გაავრცელა, რომელშიც მხარი დაუჭირა აფხაზეთის ე.წ. საზოგადოებრივი პალატის პოზიციას. განცხადებაში ნათქვამია, რომ საქართველოს პატრიარქის მოსკოვში ვიზიტისას, მართლმადიდებელი ხალხის ერთიანობის საერთაშორსო ფონდის პრემიით დაჯილდოვება და მისი გამონათქვამები აფხაზეთში უკიდურესად ნეგატიურად აღიქვეს.   "ქართველი პატრიარქის გამონათქვამები სცდება ეკლესიურ სფეროს და აშკარად გამოხატული პოლიტიკური ხასიათი აქვს. სამწუხაროდ, რუსული მართლმადიდებლური ეკლესია, აფხაზეთის მართლმადიდებელი ხალხის სურვილის წინაღმდეგ  ცდილობს ქართული ეკლესიის ზეგავლენის ქვეშ მოაქციოს ის. რუსეთის ფედერაცია, რომელმაც აღიარა აფხაზეთი და ოსეთი, და ასევე რუსეთის მართლმადიდებლური ეკლესია არ დაუშვებენ ქართული მხარის მიერ აფხაზური და ოსური საკითხებით სპეკულაციას",– ნათქამია განცხადებაში. საქართველოს კათალიკოს–პატრიარქ ილია მეორეს რუსეთის კათალიკოს–პატრიარქმა კირილმა 21 იანვარს, რუსეთის დედაქალაქში გადასცა პრემია "მართლმადიდებელი ხალხების ერთობის განმტკიცებაში გამორჩეული წვლილისა და საზოგადოების ცხოვრებაში ქრისტიანული ღირებულებების დამკვიდრებისა და განვითარებისთვის". abhaz-uzel