საზოგადოება
ლევან ბერძენიშვილი: არც მიფიქრია მეგრელების შეურაცხყოფა, ბოტების და იდიოტების ხელწერას ვგრძნობ
ლევან ბერძენიშვილის საჯარო ლექციის ამონარიდებს, რომლებიც ფეისბუკზე გავრცელდა, საზოგადოების ნაწილის აღშფოთება მოჰყვა. აღნიშნულ ვიდეოში ის მეგრელების სხვა ხალხების მიმართ დამოკიდებულებას ეხება. ამბობს, რომ „ადამიანი, რომელიც მეგრელი არ არის, ის ხომ საერთოდ არ არის ნამდვილი ადამიანი“, იქვე აგრძელებს, რომ მას სამეგრელოში „შესვლის უფლება“ მხოლოდ ცოლის ხაზით აქვს, რადგან მისი მეუღლე მეგრელია. ბერძენიშვილის თქმით, ეს ფრაზები ჩვეულებრივი ხუმრობაა და ის ნეგატიური გამოხმაურება, რაც მის ვიდეოს მოჰყვა, ტროლების აგორებულია.

„ხელისუფლებას ვერაფერი მოუფიქრებია და იძულებული გახდა, ასეთი სიყალბეები შექმნას. ჩემდა ჭირად, სამეცნიერო ბიბლიოთეკის თანამშრომელთან მქონდა მოხსენება და იქ ვისაუბრე ამაზე, რაღაცეები ამოჭრეს, დაჭრეს, მიაკოწიწეს და დამაბრალეს, რომ მე გამილანძღავს... ეს ჩემგან როგორი მოსალოდნელია, წარმოიდგინეთ, როცა მე თვითონ მაქვს მეგრელის სისხლი, მერეც, მეუღლეც მეგრელი მყავს. მართალი გითხრათ, თავის მართლება ცოტა მეზარება. ამის სრული ჩანაწერი არსებობს და ვისაც აინტერესებს, მოუსმინოს და გაერკვევა ყველაფერში. ჰყავთ ტროლები, ბოტები, იდიოტები და თხზავენ რაღაცას. ამათი მე არე მეშინია, ცხოვრება გავიარე უკვე... გადაჭარბებული ინტერესია, უჭირთ, რა ქნან... ბოტის ხელს ვგრძნობ, ყველამ იცის და მეც ვიცი, ვინ აკეთებს ასეთ რამეებს“, - გვითხრა ბერძენიშვილმა.

ფილოლოგი და პოლიტიკოსი ამბობს, რომ მას ლექციის ონლაინ ჩატარება სამეცნიერო ბიბლიოთეკამ სთხოვა და ამ ყველაფრის შემდეგ, ის არასოდეს წაიკითხავს ლექციებს უფასოდ.

„უფასოდ ორი საათი ველაპარაკე და იმის მაგივრად, რომ მადლობა ეთქვათ, გამიკეთეს ეს. ხო, მე ისეთი რამისთვის ვარ დაბადებული, რომ საკუთარი თავის წინააღმდეგ ვიმუშაო და ვინმეს რამენაირად თავი მოვაკვლევინო. ეს იყო ჩვეულებრივი ხუმრობები, ჩვეულებრივზე ჩვეულებრივი ლაპარაკი და ხუმრობა. მე მესმის, რომ საქართველოში ხუმრობაც არ შეიძლება, იმიტომ, რომ ხალხი ძირითადად გაუნათლებელი და ბნელია. ფეხებზე მკიდია, რაც მინდა და როცა მინდა მაშინ ვიტყვი, მაგრამ რაც არ მითქვამს, იმას ნუ დამაბრალებთ. ვიცნობდი ისეთ ადამიანებს, რომლებიც შვილებს არ ელაპარაკებოდნენ იმიტომ, რომ არასწორად გათხოვდნენ. ასეთ ხალხს სამეგრელოშიც ვიცნობდი, გურიაშიც და კახეთშიც. ვინმე თუ იტყვის, რომ ეს შეურაცხმყოფელია, დიდი ბოდიში, მაგრამ ცივი წყალი დალიოს და შეისწავლონ საკუთარი ყველაფერი... საქართველოში მე-19 საუკუნეში ქართველები დედებს ჰყიდნენ და ცხენებს ყიდულობდნენ, მაგრამ თურმე ასეთი რაღაცეები არ უნდა ვთქვათ... მაგრამ ეს არის სიმართლე. თამარ მეფემ შვილს დაბადების დღე მიულოცა და 13 კაცის მოჭრილი თავი მიართვა. თუ გნებავთ, არ ვიტყვი ასეთ თემებს, მაგრამ მეგრელების შეურაცხყოფას ვერ დამაბრალებენ, რადგან არ მაქვს გულში ასეთი, არ არსებობს“, - თქვა მან.

ლევან ბერძენიშვილი „აღშფოთებულ საზოგადოებას“ მიმართავს და ამბობს, რომ მათი დასაცავი არ იქნება მეგრელები, თან დასძენს: „გარწმუნებთ ჩემს მეუღლესაც ეყოფა ამის ძალა და ენერგია“.

„ყველგან ხდებოდა რაღაცა და არ შეიძლება ამას ტაბუ დაედოს. ილია ჭავჭავაძეს, რომელმაც თქვა თავისი სათქმელი, კახეთში თავადებმა სიკვდილი მიუსაჯეს. ბოლოს, მარტო იმიტომ , რომ თელაველია, იქნებ ვაპატიოთო... გიორგი ლეონიძემ კი მართლა უწოდა საცივს მძ....ი, იმიტომ, რომ იდიოტი იყო. მე ამ აზრის არასოდეს ვყოფილვარ და სპეციალურად ვთქვი, იმიტომ, რომ მეჩვენებინა ადამიანი, როგორი შეუგნებელი შეიძლება იყოს. და აქ თუ ვინმემ მეგრელების შეურაცხყოფა იგრძნო, აფერუმ თქვენ“, - ამბობს ლევან ბერძენიშვილი.

აღნიშნული ლექციის წაკითხვას ძალიან ნანობს და მომხდარს განიცდის.

„ვნანობ, ძალიან ვნანობ, რომ ეს ლექცია წავიკითხე. გადამიხადონ ფული და იმას მაინც ვიტყვი, ნერვების ფასად დამიჯდა, მაგრამ ოჯახში შემოვიტანე რაღაცა. ხელისუფლებამ განიზრახა, ახლა ჩემს ლექციებს ჩაუჯდეს. სამეცნიერო ბიბლიოთეკაა, სადაც გადასარევი კარგი ხალხია, ერთ-ერთმა მათგანმა აი, ეს გააკეთა. მაშინ, ამაზე ხმა არავის ამოუღია, როცა ასეთი რადიკალი ვყოფილვარ... ძალიან განვიცდი ამ ფაქტს, განსაკუთრებით სამეგრელოზე, ყველაფერი ერთად გადავიტანე, მაგრამ ასეთი დაბრალება ჩემთვის რაღაცა ახალია და ეს უკვე მეტისმეტი იყო. პირველად ვლაპარაკობ, მეათედ თუ ორმოცდამეათეჯერ, ხომ შეიძლებოდა, ვისაც აინტერესებდა მოესმინა და სცოდნოდა სიმართლე“- აღნიშნა მან.

დარწმუნებულია, რომ ებრძვიან, რადგან ამბობს, რომ ამ ლექციაზე ხელისუფლების მაღალჩინოსნებზე ისაუბრა და მათ იდიოტი უწოდა.

„აი, ამის პასუხია ის, რაც გამიკეთეს. სათუთი საკითხია ეს ყველაფერი, მეგრელების გადარევას რა უნდა, ვისაც გინდა, იმას გადარევ ასეთ სათუთ თემაზე“, - გვითხრა პოლიტიკოსმა.
Print Email
FaceBook Twitter
რ ე კ ლ ა მ ა
სოფელ მუხურში, ლეთოლორდეს უბანში, 3 კილომეტრის მანძილზე ასფალტო-ბეტონის საფარით საავტომობილო გზის რეაბილიტაცია მიმდინარეობს.
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს
ზუგდიდის მუნიციპალიტეტის მერმა გიორგი შენგელიამ, მის პირველ მოადგილესთან გიგა ფარულავასთან ერთად, ზვიად გამსახურდიას ქუჩაზე მიმდინარე გზის სარეაბილიტაციო სამუშაოები დაათვალიერა.
კორონავირუსი
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 354 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 225 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 404 პირის ბიოლოგიური ნიმუში გამოიკვლიეს.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 30 °C
img
სოხუმი 29 °C
img
ფოთი 28 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.