"დაიცავი საქართველოს" წევრები კახა მიქაია და ალექსანდრე (საშა) მოლაშხია ზუგდიდის რაიონულმა სასამართლომ,  ჯარიმის სახით,  400-400  ლარის  გადახდა  დააკისრა.  მიქაიამ და მოლაშხიამ სასამართლოს განუცხადეს, რომ ისინი თავს დამნაშავედ არ მიიჩნევენ. "მე ვაპირებ ვუჩივლო ხელისუფლებას თუ არ შეუცვლიან სახელს გრიგოლ ქობალიას ქუჩას.  მე  სიმბოლურად ვცვლიდი ფირნიშნებს", - განუცხადა კახა მიქაიამ სასამართლოს. მისვე განმარტებით, ზუგდიდის ყოფილმა გამგებელმა ალექსანდრე ქობალიამ  რევაზ ლაღიძის ქუჩას მალულად და  მიხეილ სააკაშვილის ბრძანებით შეუცვალა სახელი. ადმინისტრაციული  სამართალდარღვევის ოქმის შემდგენელი პირები, რომლებიც  ზუგდიდის საპატრულო პოლიციის თანამშრომელები არიან, მიქაიას და მოლაშხიას მიმართ შენივნის მიცემას ითხოვდნენ. საპატრულო პოლიციის თანამშრომელს მოსამართლე ლაურა მიქავამ განუცხადა, რომ ის კახა მიქაიას მიმართ ლმობიერი იყო. მოსამართლემ პოლიციის თანამშრომელს ასევე განუმარტა, რომ მიქაიას გასულ თვესაც ჰქონდა ადმინისტრაციული სახდელი დადებული, რაც დამამძიმებელ გარემოებას წარმოადგენდა. "დაიცავი საქართველოს" ზუგდიდის ორგანიზაციის ხელმძღვანელი კახა მიქაია აცხადებს, რომ ფირნიშებს, რომელიც თვითონ დაამზადა ზუგდიდის გამგეობას ჩუქნის და ამასთან ის ხელისუფლებას მოუწოდებს სასწრაფოდ დააკმაყოფილოს ქობალიას ქუჩის მაცხოვრებლების მოთხოვნა,  ქუჩას დაუბრუნდეს ძველი სახელწოდება. თუ არ აღადგენენ ქუჩის სახელწოდებას აქციებს გავმართავთ, - განაცხადა მიქაიამ. ამ დრომდე,  გრიგოლ ქობალაის ქუჩაზე საცხოვრებელი სახლების სანომრე ნიშნებზე რევაზ ლაღიძის სახელი აწერია. ცნობისთვის, დაიცავი საქართველოს წევრები კახა მიქაია და საშა მოლაშხია, გუშინ, 18 სექტემბერს ადმინისტრაციული სამართალდარღვევის ფაქტზე  დააკვეს. ისინი სამართალდამცავებმა მაშინ დააკავეს, როცა გრიგოლ ქობალიას ქუჩაზე სახლის სანომრე ნიშნებს თვითნებურად ცვლიდნენ.