დონორ ორგანიზაციებსა და საზოგადოებრივ ორგანიზაციებს შორის დიალოგის ხელშეწყობის მიზნით ბაკურიანში შეხვედრები გაიმართა. როგორც რადიო „ათინათს“ სამოქალაქო საზოგადოების ინსტიტუტის დირექტორმა ვაჟა სალამაძემ განუცხადა, მზგავსი ტიპის შეხვედრები აუცილებელია, რათა ამ სექტორებს შორის ეფექტური კომუნიკაცია დამყარდეს. მისივე თქმით, დონორ ორგანიზაციებთან დიალოგს სისტემური სახე არ ჰქონდა და ამ შეხვედრის მთავარი მიზანი სწორედ დილაოგის ფორმალიზება და მისთვის სისტემატური ხასიათის მიცემა იყო. „დონორ ორგანიზაციებსა და არასამთავრობოებს შორის დიალოგის საჭიროება და აუცილებლობა ცალსახა საკითხია. ორივე ამ სექტორს აქვს ერთი საბოლოო მიზანი, ჩვენ ვიცხოვროთ უკეთეს ქვეყანაში და ადამინებს ჰქონდეთ ღირსეული ცხოვრების საშუალება“, - აცხადებს ვაჟა სალამაძე. ვაჟა სალამაძე ასევე ამბობს, რომ არასამთავრობო ორგანიზაციებს შორის კომუნიკაციის არ ქონის გამო სახსრები ხშირად არამიზნობივად იხარჯება. ასევე სალამაძე დასძენს, რომ "ამ შეხვედრების უმთავრესი მიზანია დონორ ორგანიზაციებსს პრიორიტეტების შერჩევაში დავეხმაროთ.ჩვენ, ჩვენივე ქვეყნის გადასახედიდან უნდა განვსაზღოთ საჭიროებები და დონორ ორგნიზაციებს შევთავაზოთ ჩვენი საჭიროებები",- განმარტავს სალამაძე. გავრცელებულ ინფორმაციას, ხელისუფლების ცვლილების შემდეგ თითქოს დონორი ორგანიზაციები საქართველოს ტოვებენ, სალამაძე აღნიშნულზე ამბობს რომ ინფორმაციას არ ფლობს. „ქვეყანაში ახალი პოლიტიკური რეალობა შეიქმნა, აქედან გამომდინარე ყველა დონორ ორგანიზაციას სჭირდება ახალი სტრატეგია, რადგან იცოდეს როგორ იმოქმედოს ამ ახალ რეალობაში. ეს არა მარტო დონორ ორგანიზაცებს, არამედ სამოქალაქო საზოგადოებასაც სჭირდება“, - განაცხადა სალამაძემ.