სამეგრელო-ზემო სვანეთის სამხარეო პოლიციის სამმართველოს ყოფილი უფროსის, მეგის ქარდავას საქმეზე სასამართლო პროცესი დღეს, 28 ნოემბერს, ზუგდიდის რაიონულ სასამართლოში გაიმართა. ქარდავას ბრალი 144-ე მუხლის მე-2 ნაწილის „ა“, „ბ“ და „ზ“ ქვეპუნქტებით ედება , რაც ადამიანის წამებას გულისხმობს. ბრალის დამტკიცების შემთხვევაში მას 9-დან 15 წლამდე თავისუფლების აღკვეთა ემუქრება. პროკურატურის ცნობით, მეგის ქარდავამ აღიარებითი ჩვენების მიღების მიზნით, ბრალდებული ბელა როგავა აწამა. როგავა ამჟამად სასჯელს ქალთა #5 დაწესებულებაში იხდის. დღევანდელ პროცესზე მოწმის სახით 6 სხვა პირთან ერთად პროკურატურის მიერ დაზარალებულად მიჩნეულ ბელა როგავაც დაიკითხა. მსჯავრდებულმა ბელა როგავამ სასამართლოსთვის მიცემულ ჩვენებაში აღნიშნა, რომ მას ნარკოტიკული ნივთირება დაკავების მომენტში ჩაუდეს, რის შემდეგაც ზუგდიდის სამმართველოში მიიყვენაეს, სადაც მისივე თქმით მეგის ქარადავამ აღიარების მოპოვების მიზნით აწამა. „მეგის ქარდავა მეუბნებოდა მოაწრე ხელი, რომ ნარკოტიკი შენი იყოო, კედელზე მარტყმევინებდა თავს“-თქვა როგავამ. როგავა აღნიშვას, რომ მან აღიარა, ოჯახისთვის თანხის გამოძალვის მიზნით აფხაზ თანამზრახველთან ერთად ოკუპირებულ ტერიტორიაზე ტაქსის მძღოლის გადაიყვანა. მისივე განმარტებით მეგის ქარდავა მისგან მოითხოდა რომ თანამზრახველებად ის ადამანები დაესახელებინა, რომელთა სახელებსაც თვითონ ეტყოდა, რაზეც როგავამ უარი განაცხადა. როგორც როგავა ამბობს მას მეგის ქარადვამ და თანამშრომელმა ლაშა ექონიამ ნარკოტიკული საშუალება ოპიუმი მოტყუებით, წყალთან ერთად დაალევინეს, შემდეგ კი ნარკოლოგიურში, შემოწმებაზე წაიყვანეს. მისივე თქმით დაკავების დროს როგავა ფეხმძიმედ იყო, რის შესახებ მან მეგის ქარდავასაც უთხრა და სთხოვა არ დაერტყა, თუმცა როგორც თვითონ ამბობს მეგის ქარდავა მას წიხლებს ურტყამდა,რის შედეგადაც მან მრავლობითი დაზიანებები მიიღო. განსხვავებულ ჩვენებას იძლევიან საქმეში ჩართული პოლიციის თანამშრომლები. ზუგდიდის პოლიციის სამმართველოს თანამშრომლებმა: ლაშა ჯიჭონაიამ და ლალი ჯიქიამ, რომელიც უშუალოდ მონაწილეობდა 2009 წელს ბელა როგავას დაკავების პროცესში, აღნიშნეს, რომ როგავას დაკავების მომენტში და წინაწარი დაკავების იზოლატორში მოთავსების დროსაც არ აღენიშნებოდა ვიზუალური დაზიანება. ზუგდიდის #4 საპყრობილის სამედიცინო ნაწილის ექთანმა თეიმურაზ სარიამ, (პირადი დათვალიერების) ოქმის ნამდვილობა დაადასტურა და აღნიშნა, რომ დაკავებულს სამედიცინო შემოწმების დროს სახეზე აღენიშნებოდა მცირე ნაკაწრი და მარჯვენა ხელზე დაბეჟილობა. როგორც ზუგდიდის დროებითი მოთავსების იზოლატორის თანამშომლებმა მალხაზ კაკულიამ და გია კაკულიამ სასამართლოზე განაცხადეს, ბელა როგავას იზოლატორში მოთავსების დროს აღენიშნებოდა სილურჯე ტუჩთან. მათივე თქმით ოქმში შევსების დროს დაკავებულმა განმაცხადა, რომ აღნიშნული დაზიანება დაკავების შემდეგ მიიღო, თუმცა მას პოლიციელებთან პრეტენზია არ ჰქონდა. ცნობისთვის, მეგის ქარდავა ამჟამად მიმალვაშია და მასზე საერთაშორისო ძებნაა გამოცხდებული.