მედიკოსები მოსახლეობას სიცხესთან დაკავშირებით რეკომენდაციებს აძლევენ. ცხელ ამინდში შესაძლოა, ადამიანის ორგანიზმის დამცავმა სისტემებმა ვერ უზრუნველყონ სხეულის შესაბამისი გაგრილება და განვითარდეს სითბური დაავადებები. ეს ადამიანის ჯანმრთელობის მდგომარეობაზე უარყოფითად აისახება და შესაძლოა, ლეტალური შედეგითაც დამთავრდეს. განსაკუთრებით რისკის ქვეშ იმყოფებიან: ახალშობილები, ბავშვები და მოხუცები; ადამიანები გულსისხლძარღვთა სისტემის დაავადებებით; ადამიანები ენდოკრინული და ნევროლოგიური დარღვევებით; ინდივიდები, რომლებიც იღებენ ზოგიერთ მედიკამენტს (ფენოთიაზინები, ბარბიტურატები, დიურეტიკები); ჭარბი წონის მქონენი; ფიზიკური პირები, რომელთაც მუშაობა უწევთ არავენტილირებულ გარემოში და ალკოჰოლის ჭარბად მომხმარებლები. მზით დამწვრობის თავიდან ასაცილებლად მედიკოსები მოქალაქეებს ურჩევენ შეზღუდონ მზეზე ყოფნის ხანგრძლივობა, განსაკუთრებით პიკის საათებში. მზით დამწვრობის მიღება შესაძლებელია ღრუბლიან ამინდშიც. გამოიყენონ მზისგან დამცავი კრემები, რომლის SPF (მზისგან დამცავი ფაქტორი) 30 და მეტია. კრემი უნდა წაისვან მზეზე გასვლამდე 20 წუთით ადრე და ყოველ 2 საათში. დამცავი კრემი უნდა შეირჩეს კანის ტიპისა და ულრტრაიისფერი სხივების ინტენსივობის შესაბამისად. ხუთი დღის განმავლობაში საქართველოს მთელ ტერიტორიაზე, მათ შორის თბილისში, ცხელი ამინდებია მოსალოდნელი. დასავლეთ კი საშუალო ტემპერატურა 33-38 იქნება, აღმოსავლეთ საქართველოში, მათ შორის თბილისში - 31-36 გრადუსი. საქართველოში კი მზიანი ამინდები თვის ბოლომდე გაგრძელდება.