ზუგდიდის მუნიციპალიტეტის რამდენიმე სოფელში მოძრაობა კვლავ შეფერხებულია. მოყინული გზების გამო გადაადგილება შეუძლებელი იყო ჯიხაშკარისა და ჭკადუაშის საავტომობილო გზებზე. ხოლო ახალსოფლისა და ოდიშის გზებზე ტექნიკური მარილი ამ წუთებშიც იყრება. „ახალსოფელსა და კიხაშკარში მოძრაობა ამ დროისთვის აღდგენილია. ხოლო რაც შეეხება ოდიშისა და ჭკადუაშსს, ამ წუთებში იყრება ტექნიკური მარილი და რამდენიმე საათში მოძრაობა აქაც აღდგება“, - უთხრა რადიო „ათინათს“ ზუგდიდის გამგეობის მოადგილის მოვალეობის შემსრულებელმა გიორგი თოდუამ. ცნობისთვის, დიდთოვლობისა და დაბალი ტემპერატურის გამო ზუგდიდის სოფლებში მოძრაობა რამდენიმე საათით, გასულ დღეებშიც შეფერხებული იყო.