"საერთაშორისო გამჭვირვალობა– საქართველოს"  ზუგდიდის ოფისის ორგანიზებით თვითმმართველობის კოდექსის უკვე მიღებული ვარიანტის გარშემო პრეზენტაცია-დისკუსია დღეს, 18 თებერვალს გაიმართა. კოდექსი  საქართველოს პრატლამენტმა მესამე მოსმენით მიიღო და მას პრეზიდენტმა უნდა მოაწეროს ხელი. "საეთაშორისო გამჭვირვალობა–საქართვლოს"  ზუგდიდის ოფისის ანალიტიკოსი არჩილ თოდუა  განმარტავს, რომ ამ ეტაპზე კოდექსში ცვლილებების შეტანა გვიანია, თუმცა მასთან დაკავშირებით შენიშვნები და რეკომენდაციები მაინც არსებობს. შენიშვნების ძირითადი ნაწილი პირდაპირი წესით არჩეული მერისა და გამგებლისთვის უნდობლობის გამოცხადების საკითხს და სოფლის დონეზე ადგილობრივი თვითმმართველობის განხორციელებას ეხება. ახლი კოდექსის თანახმად, საკრებულოს აქვს უფლებამოსილება უნდობლობა გამოუცხადოს პირდაპირი წესით არჩეულ გამგებელს და მერს.  "გამჭვირვალობაში" მიიჩნევენ, რომ კოდექსში არ არის ნათლად წარმოდგენილი უნდობლობის გამოცხადების საფუძვლები, ამიტომ აღნიშნული მექანიზმი შეიძლება გამოყენებულ იქნას პოლიტიკური მოტივით. ეს წინააღმდეგობაში მოდის ხალხის მიერ გაკეთებულ არჩევანთან. რაც შეეხება სოფლის დონეზე ადგილობრივი თვითმმართველობის  განხორციელების საკითხს, არჩილ თოდუა განმარტავს, რომ თვითმმართველობა ძალიან ახლოს უნდა იყოს მოსახლეობასთან და თვითმმართველობის საკითხებში რაც შეიძლება მეტი ადამინაი უნდა იყოს ჩართული. დისკუსიას ზუგდიდის მუნიციპალიტეტის ადგილობრივი თვითმმართველობის ორგანოების წარმომადგენლები დაესწრნენ. ზუგდიდის გამგებლის მოადგილის მოვალეობის შემსრულებელმა მერაბ ქვარაიამ აღნიშნა, რომ ადგილობრივი თვითმმართველობის კოდექსის მიმართ ინტერესი დღითი-დღე იზრდება და ის ქვეყნის განვითარების ახალ საფეხურ წარმოადგენს, ხოლო მუნიციპალიტეტის საკრებულოს აპარატის უფროსი თეიმურაზ ბასილაია მიიჩნევს, რომ კოდექსში ბევრი რამ ბუნდოვანია და გარკვევას საჭიროებს. "საერთაშორისო გამჭვირვალობის" ოფისი შენიშვნებისა და რეკომენდაციების საბოლოო ვარიანტს რამდენიმე დღეში შეიმუშავებს და საკუთარ ვებ-გვერდზე განათავსებს.