უკრაინელი ხალხის მხარდასაჭერად დღეს, 19 თებერვალს ზუგდიდში სოლიდარობის აქცია გაიმართა. ქალაქის ცენტრში შეკრებილ ხალხს შორის ნაციონალური მოძრაობის ზუგდიდის შტაბის წარმომადგენლებიც იმყოფებოდნენ. სამეგრელო-ზემო სვანეთის ყოფილმა გუბერნატორმა თენგიზ გუნავამ უკრაინაში გარდაცვლილი ადამიანების ოჯახებს მიუსამძიმრა და აღნიშნა, რომ მაიდანზე მყოფ ხალხს სრულ მხარდაჭერას უცხადებს. აქციის ერთ-ერთმა ორგანიზატორმა, მოძრაობა „ზუგდიდი დამოუკიდებლობისა და ევროინტეგრაციისათვის“ წარმომადგენელმა ანი წითლიძემ განაცხადა, რომ ის რაც დღეს უკრაინაში ხდება რუსეთის გეოპოლიტიკის ნაწილია და ის აუცილებლად მოაღწევს საქართველომდე, თუ დღეს უკრაინა დამარცხდა. აქცია არასამთავრობო ორგანიზაციების: მოძრაობა „ზუგდიდი დამოუკიდებლობისა და ევროინტეგრაციისათვის“, „თავისუფალი ზონის რეგიონალური განვითარების საერთაშორისო ცენტრის“ და „ახალგაზრდები ევროპული მომავლისათვის“ ორგანიზებით გაიმართება.