ზუგდიდის მაჟორიტარი დეპუტატობოს კანდიდატი „ახალი მემარჯვენეებიდან“ მანანა ნაჭყებია წინასაარჩევნო გარემოსა და საკუთარ შანსებზე რადიო “ათინათს“ ესაუბრა. „ზუგდიდის რაიონში ისეთი მაჟორიტარი დეპუტატობის კანდიდატები არიან წარდგენილები, ბატონი როლანდ ახალაიას და ირაკლი ალასანიას სახით, რომ კონკურენცია ძალიან დიდი იქნება. რაც შეეხება ჩემს შანსებს, საზოგადოების დიდი ნაწილი ფიქრობს, რომ ჯობია სტაბილური გარემო, ნაკლები რადიკალიზმი და ქვეყანაში ეტაპობრივი ცვლილებები არარევოლუციური გზით. ჩემი კონკურენტი ირაკლი ალასანიას კოალიცია „ქართული ოცნება“ უფრო რადიკალურ ცვლილებებზეა ორენტირებული ვიდრე ჩვენ, ამიტომ სამეგრელოს მოსახლეობა, რომელმაც ძალიან კარგად იცის მშვიდობისა და სტაბილურობის ფასი უფრო მშვიდ და გაწონასწორებულ პოლიტიკოსს მისცემს ხმას - განაცხდა მანანა ნაჭყებიამ. როგორც მაჟორიტარი დეპუტატობის კანდიდატმა აღნიშნა, არსებულ პირობებში მედია პოლარიზებული გახდა - სხვადასხვა ინტერესების გამო, ერთის მხრივ გვაქვს პროსახელისუფლებო მედია საშუალებები და მეორე მხრივ არის მედია საშუალებები, რომლებიც ბიძინა ივანიშვილის კოლიციის მიერ კონტროლდება. საუბრისას მანანა ნაჭყებიამ ყურადღება გაამახვილა იმ რამდენიმე მედია საშუალებაზე, რომელიც მისი თქმით, ფაქტებს მიუკერძოებლად და ობიექტურად აშუქებს.