ზუგდიდი-მესტიას დამაკავშირებელი მაგისტრალი დღეს ერთი საათის განამავლობაში სოფლების: რიყის, რუხის,ტყაიას და ლიის მოსახლეობამ გადაკეტა. აქციის მონაწილეები სოფელში არსებული პრობლემების მოგვარებას,ასევე წყლის მილების უკანონოდ ამოღების საქმესთან დაკავშირებით სამართლიანი გამოძიების ჩატარებას ითხოვდნენ. სოფლის მცხოვრებლები აქციაზე სხვადასხვა შინაარსის ტრანსპარანტებით გამოვიდნენ: „გუბერნატორი ხალხის პრობლემებს გაექცა“, „ნუ ატყუებთ პრემიერს“. შეკრებილები სკანდირებდნენ: „გუბერნატორი ხალხთან!“ და „ დაგვიბრუნეთ სასმელი წყალი!". აქციის მხარდასაჭერად მისულ „სამეგრელოს ხმის“ ლიდერ თენგიზ ჯგუშიას განცხადებით,ამ ადამიანებმა არაერთხელ მიმართეს საოლქო პროკურორს და სამეგრელოს გუბერნატორს მათი პრობლემების მოგვარების თხოვნით,თუმცა უშედეგოდ. თავისი განცხადების დასადასტურებლად თ.ჯგუშიამ ადგილობრივი მედიის წარმომადგენლებს საოლქო პროკარუტარუში და სამხარეო ადმინისტრაციაში სოფლის მაცხოვრებლების მიერ შეტანილ განცხადებაზე მიღებული პასუხი გააცნო. აქციაზე მისულ ზუგდიდის გამგებლის მოადგილის მოვალეობის შემსრულებელს გიორგი თოდუას,რომელიც ხალხთან გასაუბრებას შეეცადა ხელი „სამეგრელოს ხმის“ ლიდერმა შეუშალა. მოგვიანებით,გიორგი თოდუამ ჟურნალისტებს განუმარტა,რომ წყლის მილების საქმესთან დაკავშირებით გამოძიება მიმდინარეობს და რამდენიმე ადამიანი უკვე დაკავებულია,ხოლო წყალმომარაგების პრობლემები რამდენიმე თვეში გადაიჭრება,მას შემდეგ,რაც სოფელში დამატებითი ჭაბურღილები გაითხრება.