22 აპრილი დედამიწის დაცვის საერთაშორისო დღეა. „როგორ უნდა დავიცვათ დედამიწა დღეს, რომ ხვალ არ იყოს გვიანი“-საინფორმაციო ბუკლეტები დღევანდელ დღესთან დაკავშირებით ასოციაცია „ათინათში“ არსებული სამოქალაქო კლუბის ახალგაზრდებმა ქუჩაში დაარიგეს. „სამოქალაქო განათლების და პედაგოგთა გადამზადების“ პროგრამის ფარგლებში პარტნიორი სკოლის კლუბის წევრებმა სხვადასხვა ღონისძიებებიც დაგეგმეს. მთელი კვირის განმავლობაში ახალგაზრდები პარტნიორ სკოლებში დასუფთავების, გამწვანების, ასფალტზე ხატვის, კედლის გაზეთის და ესეების წერის კონკურსს გამართავენ. სამოქალაქო კლუბის ლიდერი კრისტინე ქაჯაია აღნიშნავს, რომ აქციაში საზოგადოების სხვადასხვა ფენა ჩაერთო, შედგა დისკუსია თემაზე, თუ რას იწვევს დედამიწის დაუცველობა, მისივე თქმით, გაჟღერდა ბევრი საინტერესო მოსაზრება და იდეა, თუ რა გზით შეიძლება შეუწყონ ხელი ახალგაზრდებმა დედამიწის დაცვას. მსგავსი ღონისძიებები „სამოქალქო განათლებისა და პედაგოგთა გადამზადების პროგრამის“ ფარგლებში სამოქალქო კლუბების ახალგაზრდებს არაერთხელ გაუმართავთ. პროგრამას USAID-ის ფინანსური მხარდაჭერით ასოციაცია „ათინათი“ PH INTERNATIONAL -თან ერთად ახორციელებს.