სამოქალაქო მოძრაობა „სამეგრელოს ხმის“ ლიდერი თენგიზ ჯგუშია ზუგდიდში საარჩევნო ბლოკ “არასაპარლამენტო ოპოზიცია (კახა კუკავა, ფიქრია ჩიხრაძე)“ საარჩევნო შტაბს უხელმძღვანელებს. ამ შესახებ თენგიზ ჯგუშიამ დღეს, 6 მაისს, გამართულ ბრიფინგზე ისაუბრა. ჯგუშიას განცხადებით, იგი არც ერთ პარტიაში გაწევრიანებას არ გეგმავს და მხოლოდ შტაბს უხელმძღვანელებს. „ზუგდიდის წინააღმდეგ გაერთიანდა „ოცნება“ და „ნაციონალები“, ორგანიზებულად უნდა აღვუდგეთ ამათ შეთქმულებას. „სამეგრელოს ხმის“ ლიდერები, ახალგაზრდა სამოქალაქო აქტივისტები არასაპარლამენტო ოპოზიციიდან კენჭს იყრიან. ყველა ზუგდიდელს, ქუდზე კაცს მოვუწოდებ გადაარჩინოს ზუგდიდის ღირსება და იბრძოლოს ღირსეული კანდიდატის გასამარჯვებლად“, - აცხადებს თენგიზ ჯგუშია. ამასთან, ჯგუშიამ აღნიშნა, რომ ისინი ზუგდიდის მერობისა და გამგებლობის კანდიდატებს ხვალ წარადგენენ.