სს „ენერგო-პრო ჯორჯია“-მ ზუგდიდის მომსახურების ცენტრის აბონენტებისთვის ელექტროენერგიის მიწოდების ხარისხის ამაღლების მიზნით კედიას ქუჩაზე სარეაბილიტაციო სამუშაოები განახორციელა. ჩატარებული სარებილიტაციო სამუშაოების შედეგად, 0.4 კვ-ის ქსელში დაბალი კვეთის სიპ კაბელები მაღალი კვეთით შეიცვალა. 400 მეტრის სიგრძის კაბელი შეიცვლა, რაც წინაპირობა იქნება არასტანდარტული ძაბვის თავიდან აცილებისა და კედიას ქუჩაზე მცხოვრები 300 აბონენტისთვის ხარისხიანი ელმომარაგების მიწოდებას უზრუნველყოფს. გარდა ამისა ,კომპანიის მიერ გატარებული სხვადასხვა სამუშაოების შედეგად ელექტრომომარაგების საიმედოობა გაეზარდა ქალაქის მოსახლეობის დაახლოებით 10 000 აბონენტს. როგორც რადიო „ათინათს“ სს „ენერგო-პრო ჯორჯია“-ზუგდიდის მომსახურების ცენტრის მენეჯერმა ლერი კაკაურიძემ განუცხადა, სამუშაოების ჩატარება 2 თვის წინ დაიგეგმა, რადგან ხშირი ავარიული გამორთვები ფიქსირდებოდა. „ყველა ზუგდიდელი გრძნობს, რომ გატარებული სამუშაოების შედეგად ბოლო 2 თვის განმავლობაში ელქტროენერგიის მიწოდება საიმედო და სტაბილური გახდა.“-აცხადებს კაკაურიძე. მისივე თქმით, მსგავსი სამუშაოების განხორცილება უახლოეს მომავალში გამსახურდიას და ცოტნე დადიანის ქუჩაზეც იგეგმება.ასევე კომპანიის ინფორმაციით ,კომპაქტურად ჩასახლებულ დევნილთა (2800 აბონენტი) ინდივიდუალური გამრიცხველიანების სამუშაოები აქტიურ ფაზაშია. ინდივიდუალური გამრიცხველიანების სამუშაოები მიმდინარეობს სოფლებში:კოკი, ორსანტია, ჩხორია -1557 აბონენტი, სამუშოები ივნისის თვეში დასრულდება . მიმდინარე წელს ასევე დაგეგმილია 8 სოფლის ( ბაში, ერგეტა, კორცხელი, ტყაია, ყულიშკარი, ჭაქვინჯი, ხამისკური, ხეცერა) 2275 აბონენტის ინდივიდუალური გამრიცხველიანება.