„ერთიანი ნაციონალური მოძრაობის“ ზუგდიდის სარჩევნო შტაბის ხელმძღვანელი ლაშა დამენია „ქართულ ოცნებას“, საარჩევნო კომისიის წარმომადგენლების დაშინებასა და ზეწოლაში ადანაშაულებს. ამის შესახებ, ლაშა დამენიამ დღეს, გამართულ ბრიფინგზე ისაუბრა. მისი თქმით, დღეს ფაიფურში მე-18- და 21-ე საარჩევნო უბნიდან საინიციატივო ჯგუფის მიერ წარდგენილმა ორმა კომისის წევრმა: შორენა გედენიძემ და ეკა თოდუამ წასვლის შესახებ განცხადება დაწერეს. ასევე, დამენიას ინფორმაციით ,სოფელ რუხში კომისიის ერთ-ერთ წევრს 2000 ლარის ოდენობის თანხა შესთავაზეს კომისიიდან გასვლის სანაცვლოდ. მისივე თქმით, გუშინ საინიციატივო ჯგუფების და "ქართული ოცნების" პარტიის საუბნო საარჩევნო კომისიის წევრებს ადმინისტრაციის და ხელისუფლების წარმომადგენელები შეხვდნენ და მათზე სერიოზული ზეწოლა მოახდინეს. „მე მინდა ყველა იმ კომისის წევრს, რომელთაც ავალებენ რომ არჩევნები გააყალბონ ვუთხრა, რომ ჩვენგან ყველა უბანზე იქნება ვიდეო კამერები, ზუგდიდში უნდა ჩატარდეს ობიექტური არჩვენები დაშინებებისა და გაყალბების გარეშე.“-აღნიშნა დამენიამ. ლაშა დამენიას ბრალდებას, ოცნების საარჩევნო შტაბის ხელმძღვანელმა ლაშა გვასალაიმ უპასუხა და აბსურდული უწოდა. „მსგავის რაღაცეები ჩვენი მხრიდან არ იგეგმება, ეს არის აბსურდი და ტყუილი, ჩვენ სწორედ ამის წინააღმდეგ გამოვდიოდით, სწორედ ეს არ უნდოდა ხალხს ძალადობა და გაყალბება, ჩვენ მათ წინაშე უნდა ვიყოთ პირნათელი“-აღნიშნა ლაშა გვასალიამ. მისივე თქმით ,შესაძლოა "ნაციონალებმა" თვითონ დაატოვებინეს ამ ადამიანებს საარჩევნო კომისია.