ნინო ბურჯანაძემ დღეს ზუგდიდში „ერთიანი ოპოზიციის“, სამეგრელოს რეგიონში, მერობისა და გამგებლობის კანდიდატები წარადგინა. „ნინო ბურჯანაძე-ერთიანი ოპოზიციიდან“ ზუგდიდის მერობისთვის იურისტი რუსუდან პაჭკორია იბრძოლებს, გამგებლობისთვის კი ისტორიკოსი გოგიტა ბიგვავა. ფოთის მერობისთვთვის ბრძოლას დავით ქანთარია აპირებს. სენაკის გაბგებლობისთვის კი გოჩა ბოკუჩავა ემზადება. წალენჯიხაში ერთიანი ოპოზიციიდან კენჭს გიორგი ვეკუა იყრის. რევაზ ხაბეიშვილი აბაშაში, ხოლო მარტვილსა და ხობში დავით ინჯია და აკაკი პაჭკორია. ნინო ბურჯანაძის განცხცადებით, მათი კანდიდატები არიან ღირსეული ადამიანები, რომლებიც სამეგრელოს რეგიონზე ნამდვილად იზრუნვებენ. გრელოზე ყოველთვის დიდ იმედებს ვამყარებდი და ყოველთვის მეიმედება. ერთი რამ არის სამწუხარო, დღეს ადამიანებს წვიმაში მოუწიათ დგომა, რადგან „ქართულმა ოცნებამ“ მას შემდეგ რაც თავად ჩაატარა წინასაარჩევნო შეხვედრა, რომელიც საარჩევნო შეხვედრებისთვის იყო გამოყოფილი, სარემონტო სამუშაოებისთვის დაკეტა. გეგონებათ არჩევნების შემდეგ ვერ გააკეთებდნენ რემონტს და ჩვენ პრაქტიკულად არ გვქონდა ადგილი სადაც ამ შეხვედრას ჩავატარებდით“, - აღნიშნა ნინო ბურჯანაძემ. ზუგდიდის მერობის კანდიდატის რუსუდან პაჭკორიას თქმით, ზუგდიდის მოსახლეობამ საარჩევნო ყუთთან სწორი არჩევანი უნდა გააკეთოს. „ჩვენ ვიქნებით უაღრესად სამართლიანები, ჩვენ დავიცავთ ადამინების პატივსა და ღირსებას. ჩვენ დავიცავთ ადამიანების უფლებებს და თავისუფლებას. ჩვენი საქმიანობა იქნება გამჭვირვალე და ბიუჯეტიდან არც ერთი თეთრი არ დაიხარჯება არამიზნობრივად, ისე რომ არ იყოს გათვალისწინებული საზოგადოების აზრი“, - ამბობს რუსუდან პაჭკორია. ზუგდიდში ასევე იმყოფებოდნენ „ერთიანი ოპოზიციის“ სხვა ლიდერები. მათ შორის, ჯონდი ბაღათურია და გიორგი ახვლედიანი.